Kreu i Partisë së Lirisë, Ilir Meta deklaroi tha se Partia e Lirisë nuk do ketë kandidat për bashkinë e Tiranës pasi për kryeqytetin dhe disa qytete të mëdha është përgjegjësi e PD si partia më e madhe opozitare.
Sipas Metës, ka ikur koha kur kandidatet zgjidhen me zarfe.
“Marrëveshja jonë që tashmë është e përfunduar është një marrëveshje që i intereson të gjithë shqiptarëve. Primare dhe referendum. Firmat tona mbi një marrëveshje të tillë japin siguri të plotë në rivendojen e pluralizmit rendit dhe heqjen dorë nga kandidatët e bashkive që caktoheshin me zarfa. Tani i vendosin simpatizantët dhe anëtarët në mënyrë transparente. Angazhimi i PD dhe PL për të ekzekutuar përfundimisht, një herë e përgjithmonë vullnetin e popullit shqiptar që është që nga 98 në Kushtetutë e që është bërë i pamundur deri tani përmes një ligji që bllokon referendumet.
Nuk e di a do ketë kandidat nga Partia e Lirisë për Bashkinë e Tiranës. Sepse deri tani askush nga PL nuk më ka paraqitur kërkesën. Nëse ka dikush dëshirë patjetër. Por, kjo është një përgjegjësi për sa i takon Tiranës dhe disa qyteteve te tjera kryesore që i takon PD si partia më e madhe opozitare. Dhe, besoj se të gjithë në PL ndajmë këtë pikëpamje". Kështu u shpreh Meta.
Lexo më tej: Meta-Ramës: Do ia fus projektligjet aty ku i shijojnë
Lexo më tej: Meta: Paketa fiskale, tentativë fashiste
Lexo më tej: Vendoset data e zgjedhjeve, votimet për bashkitë në 14 Maj
Lexo më tej: Meta: Primare të përbashkëta me Partinë Demokratike
