Kryeministri i ri i Britanisë së Madhe Rishi Sunak ka mbajtur fjalimin e tij të parë si kreu i ekzekutivit jashtë Downing Street. Ai e ka filluar fjalën e tij duke pranuar se situata ekonomike në Mbretërinë e Bashkuar është kritike. Sunak shtoi se gjatë qeverisjes së shkurtër të Truss janë bërë gabime, ndërsa lavdëroi figurën e ish-kryeministrit Johnson.
“Nuk lindën nga vullneti apo qëllimet e këqija, përkundrazi. Megjithatë gabime janë bërë. Unë jam këtu për t’i ndrequr.”, tha Sunak.
Në vazhdim kryqeveritari britanik tha se do të punonte natë e ditë për të fituar besimin e popullit të vetë. Ai ka premtuar një sistem më të mirë shëndetësor, më shumë siguri, shtim të kontrollit në kufij dhe respektim i mjedisit.
