Albumi i fundit i Taylor Swift 'Midnights' ka shitur më shumë se një milion kopje në tre ditët e para të shitjes. Ai është bërë rekordi më i shitur deri më tani i 2022.
Në tre ditët e para, 20 këngët e albumit kanë mbledhur mbi 284 milionë transmetime zyrtare sipas Billboard. Gjithashtu ishte më i transmetuari në historinë e Spotify brenda një dite. Taylor kaloi këngëtarin, Harry Styles, albumi i të cilit 'Harry's House' ishte më i shitur i vitit 2022.
Artistja fillimisht publikoi Midnights' me edicionin bazë dhe më vonë publikoi një grup këngësh të quajtur '3 am songs'. "Po i quaj këngë të orës 3 të mëngjesit. Kohët e fundit më ka pëlqyer ndjesia e ndarjes së procesit tonë krijues me ju, siç bëmë me këngët "From The Vault". Kështu që është ora 3 e mëngjesit dhe po jua jap ato tani", shkroi Swift në Instagram. Taylor realizoi "Midnights" në një pushim nga ri-regjistrimi aktual i rekordeve të saj të hershme për shkak të një mosmarrëveshjeje me manjatin e muzikës Scooter Braun dhe është albumi i saj i parë origjinal në dy vjet./Lapsi.al
