Kanye West thuhet se ka punësuar Camille Vasquez, një nga avokatet që ndihmoi Johnny Depp të fitonte gjyqin e tij famëkeq të shpifjes kundër Amber Heard.
Sipas TMZ, avokatja 38-vjeçare nga Los Anxhelos dhe firma e saj, Brown Rudnick, do të mbikëqyrin të gjitha çështjet e biznesit – përfshirë kontratat dhe marrëveshjet – për CEO-n e Yeezy.
West duket se ka nevojë të madhe për shërbimet e Vasquez pasi shumë nga partneritetet e tij po pakësohen për shkak të bluzave të tij "White Lives Matter" dhe komenteve antisemitike.
Në fillim të këtij muaji, Adidas njoftoi se marrëveshja e tyre me reperin ishte "në shqyrtim" dhe vetëm këtë javë, Balenciaga ndërpreu lidhjet me të krejtësisht.
Vasquez fitoi shumë famë gjatë gjyqit të Depp, pjesërisht për shkak të thashethemeve për romancë mes saj dhe aktorit 59-vjeçar.
Megjithatë, avokatja i kritikoi ato akuza, duke i quajtur "seksiste" dhe "joetike".
Vasquez gjithashtu u bë shumë e njohur nga publiku për marrjen në pyetje të Heard.
West kohët e fundit ka bërë shumë punësime dhe shkarkime për avokatët e tij. Në fund të shtatorit, ai punësoi ish-avokatin e divorcit të Melinda Gates, Robert Stephan Cohen, për ta përfaqësuar atë në çështjen e tij kundër Kim Kardashian.
Sipas TMZ, Vasquez nuk do të përfshihet në çështjen e divorcit të West.
