Sali Berisha ka zhvilluar sot një takim e studentët në Tiranë. Takimi u mbajt për të diskutuar rreth problematikave që po has arsimi i lartë në këtë vit akademik.
Kreu i Partisë Demokratike, tha se situata në universitete është ‘buzë gremine’. Ai akuzoi kryeministrin Edi Rama. Sipas Berishës, Rama protestës së pedagogëve i përgjigjet me arrogancë.
“Ministrja e tij shkon bën 15 rrugë nga 15 mijë euro për mbledhje partie në Peshkopi. Ministrja e tij nuk na shkon dot me makinë, por shkon me helikopter. A mund të pranoni ju që një pedagogu juaji të marrë 4 herë më pak se shoferi i fondit shqiptar i zhvillimit, të marrë sa të marrin punonjësit e fasenorisë. Pse do rrinë atëherë këtu, jemi buzë gremine ndaj qëndrimit që qeveria mban ndaj universiteteve. Ndaj ju ftoj të bëni gjithçka për suksesin e kësaj proteste, dhe ju them një këshillë, punoni me çdo të ri e te re që njihni, unë admiroj këtë grevë të tyre sepse është me të vërtetë pluripartiake dhe aty flasin njerëz të përgjegjshëm që duan të shpëtojnë universitete. Cdo ditë i sulmon me mungesë edukate, flet për hiena një njeri me problemi psikike… do merremi ne të gjithë me këtë njeri, se po nuk u morëm, ky nuk ka të ndalur”, tha Berisha.
Lexo më tej:
Pedagogët mblidhen përballë Korpusit Universitar, nis protesta kombëtare
Pedagogët letër të hapur ambasadës së ShBA dhe asaj britanike: Qeveria i quan kërkesat politike
