Kryetari i Partisë Demokratike, Sali Berisha, u shpreh i bindur se Lear Kurti, 32-vjeçari që vdiq gjatë shoqërimit në komisariat, është mbytur nga policia.
Berisha tregoi se këtë gje e kutoi që kur lexoi komunikatën e policisë dhe sipas tij Rama po bëhet palë me bashkëpunëtorët.
Ai tregoi edhe një tjetër histori të një të riu, i cili pretendonte se ishte shoqëruar padrejtësisht në komisariat dhe ishte kërcënuar me jetë.
Për Berishën, beteja e opozitës duhet të përfundojë me rrëzimin e qeverisë së Edi Ramës, e cila sipas tij do i hapë rrugë rritjes së pagave dhe zhvillimit të vendit.
“Shikoni çfarë bëri me Leart Kurtin. Pasi e mbytën, e vranë për së dyti. Jam zgjuar në mëngjes atë ditë dhe lexova për ngjarjen. Pasi lexova komunikatën e policisë lexova se e kanë mbytur. Aty mësova se i kanë marrë shpirtin. Nuk ka vdekje natyrale për të rinjtë.
Atij i morën shpirtin e na thonë vdekje natyrale. Pastaj futi të njëjtin njeri që bëri gjithçka për të mbuluar vrasjen e Klodian Rashës për të mbuluar edhe vrasjen e tij. Rama bëhet palë. Secili i ri mund ta pësojë si Kurti. Sepse Rama e ka mbushur policinë me kriminelë të droguar.
Dje mora një mesazh nga dikush që më tha “më morën në komisariat pa asnjë arsye. Edhe njëri prej tyre më tha do ta heq qafe ktë, por më mbrojti dikush që e quanin Luan. Mund të imagjinohet kjo gjuhë. Venë gangsterë e trafikantë droge në krye të policisë”, u shpreh Berisha.
