Presidenti amerikan, Joe Biden vijon të përballet me momente të sikletshme gjatë dhe pas fjalimeve të tij. Kësaj radhe një tjetër video e tij është bërë virale në internet. Pas fjalimit të tij në Pittsburgh, Biden pati vështirësi për t’u larguar nga skena duke mos gjetur dot daljen.
E kjo nuk është hera e parë që ndodh. Afro një muaj më parë, kreu i Shtëpisë së Bardhë përjetoi një situatë të ngjashme pas fjalimit në Kombet e Bashkuara. 79-vjeçari po mundohej të zbriste nga skena, kur u bllokua pranë shkallëve. Ai dukej i i hutuar pa ditur se nga të shkonte. Biden pyeti disa njerëz se si të dilte prej aty pasi bëri disa hapa pas.
