Liz Truss ka njoftuar dorëheqjen e saj si kryeministre pas vetëm 44 ditësh në detyrë. Duke folur jashtë Downing Street, ajo tha se i kishte njoftuar mbretit Charles se do të jepte dorëheqjen si udhëheqëse e Partisë Konservatore.
“E pranoj, duke pasur parasysh situatën, nuk mund ta përfundoj mandatin me të cilin jam zgjedhur nga partia konservatore. Unë i kam folur madhërisë së tij Mbretit për ta njoftuar se po jap dorëheqjen si lider i partisë konservatore”, tha ajo.
Truss u bë kryeministre e Britanisë në fillim të shtatorit, pas një konkursi të gjatë lidershipi që pasoi dorëheqjen e Boris Johnson.
