Kryeministri Edi Rama ka reaguar në lidhje me protestën e pedagogëve, ndërsa i referohet Kreut të Sindikastës së Pedagogëve, Aleksandër Kovaçi si "shiks i kohës së zezë të 1997-ës".
Me anë të një postimi në twitter, kryeministri Rama shkruan se Kovaçi është i maskuar si sindikalist dhe nuk ka asnjë shans që të merret seriozisht në kërkesat e tij fyese për këtë situatë lufte.
“Krenar që ka qenë shiks i kohës së zezë të 97-ës le të jetë sa të dojë, po një shiks i maskuar si sindikalist për të importuar zullumin e nongratave e të rublave në hapësirën universitare, s’ka asnjë shans të merret seriozisht në kërkesat e tij fyese për këtë situatë lufte!”, shkruan Rama.
