Kanye West duket se është gati të zgjidhë ligjërisht divorcin e tij me Kim Kardashian. Kjo pasi së fundmi, reperi punësoi një nga avokatët më të fuqishëm në Hollywood.
Sipas dokumenteve gjyqësore të siguruara nga Page Six, Kanye ka paraqitur një "deklaratë zbulimi", e cila zakonisht bëhet kur një çështje divorci është në prag të zgjidhjes.
Dokumentet tregojnë gjithashtu se 45-vjeçari i ka dërguar të gjitha informacionet e tij financiare ish-gruas së tij, Kim Kardashian.
Ish-çifti kanë rënë dakord se si të ndajnë pasurinë e tyre shumë miliardë dollarëshe, por nuk ka asnjë tregues se ata arritën në një marrëveshje për kujdestarinë e katër fëmijëve të tyre - North, 9 vjeçe, Saint, 6, Chicago, 4 dhe Psalm, 3 vjeç.
