Një 28-vjeçar ka plagosur me mjet prerës një të mitur në Tiranë. Blutë e kryeqytetit kanë njoftuar se shtetasi K.M. ka goditur me thikë një 15-vjeçar. Ky i fundit ndodhet jashtë rrezikut për jetën.
Materialet i kaluan Prokurorisë, për veprime të mëtejshme procedurale.
Njoftimi i policisë:
Vihen në pranga 4 shtetas, për vepra të ndryshme penale.
Specialistët për Hetimin e Krimeve të Komisariatit të Policisë Nr. 1 ndaluan shtetasin në kërkim Afrim Gezdari, 35 vjeç, banues në Tiranë, pasi Gjykata e Shkallës së Parë Tiranë e ka dënuar me 3 muaj burgim, për veprën penale “Mosdhënia e mjeteve për jetesë".
Specialistët për Hetimin e Krimeve të Komisariatit të Policisë Nr. 2 arrestuan shtetasin K. M., 28 vjeç, banues në Tiranë, pasi ka goditur me mjet presës, për motive të dobëta, një shtetas 15 vjeç, i cili ndodhet jashtë rrezikut për jetën. Gjatë kontrollit fizik, 28-vjeçarit iu gjet dhe iu sekuestrua, në cilësinë e provës materiale, një sasi lënde e dyshuar narkotike cannabis sativa.
Specialistët për Hetimin e Krimeve të Komisariatit të Policisë Nr. 5 ndaluan shtetasin në kërkim V. T., 32 vjeç, pasi më datë 19.09.2022, ka goditur me grusht shtetasin F. B. Gjatë kontrollit fizik, 32-vjeçarit iu gjet dhe sekuestrua, në cilësinë e provës materiale, një sasi lënde e dyshuar narkotike cannabis sativa.
Specialistët e Qarkullimit Rrugor arrestuan shtetasen R. S., 43 vjeçe, pasi u kap duke drejtuar automjetin, nën efektin e alkoolit.
