Veliko Belivuk, i njohur si "Velja Nevolja" ("Velja problemi"), udhëheqës i "Jeniçerëve" një tifo-grup famëkeq futbolli në Beograd i tha Gjykatës së Lartë se grupi që ai drejtonte "u kishte shërbyer nevojave të shtetit", duke konfirmuar një takim të tij me presidentin e Serbisë, Aleksandër Vuçiç.
“Me Aleksandar Stankoviç [i vrarë në vitin 2016], unë drejtova një grup që u shërbeu nevojave të shtetit deri në vrasjen e tij, pas së cilës unë vazhdova ta bëja këtë”, tha Belivuk në gjykatë në ditën e parë të gjyqit kundër tij dhe 29 të tjerëve, raportoi portali i lajmeve Nova.rs.
Ata akuzohen për vepra të shumta kriminale, duke përfshirë vrasje, rrëmbime, armëmbajtje pa leje dhe municione dhe trafik droge.
[caption id="attachment_768258" align="alignnone" width="1091"]
Belivuk ne Gjykaten e Larte: I sherbeva shtetit![/caption]
Belivuk ka mohuar të gjitha akuzat.
Ai tha se grupi i tij mori detyra nga zyrtarë të lartë shtetërorë nëpërmjet një tjetër tifozi famëkeq të futbollit, Aleksandar Vidojevic. Ai pranoi se kishte takuar personalisht presidentin e Serbisë, Aleksandar Vuçiç, i cili i kishte sugjeruar që komunikimi i mëtejshëm duhet të vazhdonte përmes ministrit të Brendshëm Aleksandar Vulin.
BIRN i kërkoi Ministrisë së Brendshme një koment nga ministri Vulin, por ai nuk u përgjigj në momentin e publikimit.
Kjo ishte një përsëritje e një deklarate që Belivuk dhe bashkëpunëtori i tij Marko Miljkovic kishin dhënë tashmë në vitin 2021, gjatë hetimit të tyre. Pasi mediat në Serbi i publikuan ato, Vuçiç njoftoi se ai dhe Vulin “do të gjenin një koleg që ta bënte atë [të sjellë një çështje penale] në mënyrë që të paraqesë gjithçka që thanë ata njerëz”.
https://lapsi.al/2021/10/23/shkelqimi-dhe-renia-e-gangsterit-veliko-belivuk-lidhjet-e-nentokes-serbe-me-pushtetin-e-vucicit/
Vulin më vonë tha për televizionin Pink se Belivuk ishte “në prag të burgimit të përjetshëm dhe po gënjente, sepse nuk ka asgjë për të humbur”, duke shtuar se ai “po përpiqej të shantazhonte Presidentin e Serbisë, Aleksandar Vuçiç, dhe të gjithë ata që janë të përfshirë në luftën kundër mafies”.
Belivuk u arrestua në shkurt 2021 së bashku me anëtarë të tjerë të bandës.
Janjicari, (Jeniçerët), më vonë u quajt "Principi", u formua në vitin 2013. Tifo-grupi krijoi lidhje me kontraktorët privatë të sigurisë, por edhe me zyrtarë shtetërorë, duke përfshirë një këshilltar të lartë të policisë dhe sekretarin e përgjithshëm të qeverisë serbe.
Belivuk tha gjithashtu se grupi i tij mori pjesë në prishjet e diskutueshme gjatë natës në lagjen Savamala të kryeqytetit në vitin 2016, gjë që hapi rrugën për projektin e përbashkët të pasurive të paluajtshme të Emirateve të Bashkuara-Serbi, për projektin e Ujvarës së Beogradit.
Natën, ndërmjet 24 dhe 25 prillit 2016, persona të maskuar me shkopinj bejsbolli dhe të pajisur me fadroma rrënuan ndërtesat në rrugën Hercegovacka të Beogradit, kur vëmendja e publikut ishte pushtuar nga numërimi i votave nga zgjedhjet parlamentare të një dite më parë./ Balkaninsight, përshtati Lapsi.al
https://balkaninsight.com/2022/10/17/serbian-alleged-gang-leader-tells-trial-we-served-states-needs
