Gjykata e Apelit ka shtyrë për më 9 nëntor seancën për të shpallur vendimin për të, në lidhje me dosjen “Babale”. Kjo është shtyrja e tretë që i bëhet kësaj çështjeje. Seanca u shty për shkak të mungesës së avokatit të Geron Xhafajt, vëllai i ish-ministrit të Brendshëm, Fatmir Xhafajt. Arsyeja ishte se avokati duhet të merrte pjesë në një ceremoni mortore. Palët e tjera kërkuan që procesi të vijonte normalisht. Mgjithatë gjykata vendosi të pranojë kërkesën e avokatit Ardian Vishaj.
Vendimi u quajt absurd nga vetë Salianji, i cili në shkallën e parë është dënuar me 1 vit burg. “Prokuroria ka bërë një paçavure duke ngritur akuza pa asnjë bazë mbi mua. Unë mendoj se drejtësia duhet të jetë më e shpejt, më e vendosur, jo të mbetet siç edhe sot e patë, u vonua dhe u shty seanca për të disatën herë. Unë di që kjo çështje, e nxjerrë me shpejtësi para kohe, duhet të përfundonte me shpejtësi. Dyshimet e mia janë se kjo ka ndodhur për të mos pasur një rishortim”, tha Salianji jashtë gjykatës. “Nuk është e domosdoshme të jetë avokati, sepse është prokuroria që e ndjek çështjen dhe përfaqëson akuzën në emër të shtetit. Ne presim drejtësi të shpejtë. Për të gjithë ata që quajnë presion pjesëmarrjen në seanca, u them që është e kundërta, është inkurajim për drejtësinë”.
