Një zjarr i madh shpërtheu të shtunën në burgun famëkeq Evin të Iranit. Ai është i njohur për strehimin e të burgosurve politikë, gazetarëve dhe shtetasve të huaj. Videot e shpërndara në internet treguan tym dhe flakë në atë vend.
Në video mund të dëgjoheshin të shtëna armësh dhe shpërthime. Një zyrtar i cituar nga media shtetërore tha se situata ishte nën kontroll. Irani është përfshirë prej javësh nga protestat antiqeveritare. Ato shpërthyen për herë të parë muajin e kaluar pas vdekjes së 22-vjeçares Mahsa Amini në paraburgim.
Zyrtarët thanë se ajo vdiq nga një atak në zemër, por familja e saj e kundërshtojnë këtë. Sipas tyre ajo ishte rrahur nga “policia e moralit”. Korrespondentja e BBC Persian, Rana Rahimpour tha se ende nuk dihet nëse situata në burg është e lidhur me demonstratat e fundit. Qindra protestues të arrestuar së fundmi janë dërguar në Evin.
https://twitter.com/1500tasvir_en/status/1581347267331907584?ref_src=twsrc%5Etfw%7Ctwcamp%5Etweetembed%7Ctwterm%5E1581347267331907584%7Ctwgr%5E4c95b08370c357f8f86faa5a7133c773b952930b%7Ctwcon%5Es1_c10&ref_url=https%3A%2F%2Fwww.tgcom24.mediaset.it%2Fmondo%2Firan-incendio-carcere-alessia-piperno_56087998-202202k.shtml
Media shtetërore raportoi se protestat nuk lidheshin me ngjarjen në burg. Ajo fajësoi "elementë kriminalë" për zjarrin. Vetëm 8 persona u lënduan tha media e kontrolluar nga shteti IRNA. Në disa video dëgjoheshin të shtëna me armë zjarri dhe shpërthime.
Në të tjera njerëzit dëgjoheshin jashtë burgut duke brohoritur "vdekje diktatorit", një nga sloganet kryesore të lëvizjes protestuese antiqeveritare. ©LAPSI.al
LEXO EDHE: Hakerohet televizioni shtetëror i Iranit
