Një aksident i rëndë është shënuar pak minuta më parë në Fier, në zonën e quajtur “Qafa e Lalarit”.
Në aksident është përfshirë një makinë e tipit Toyota, ku si pasojë ka humbur jetën shoferi dhe është plagosur pasagjeri.
Sipas policisë, viktimë ka mbetur shtetasi Qemal Kamberaj, ndërsa i plagosur Asllan Kajo.
Njoftimi i policisë:
"Rreth orës 15:55, në aksin rrugor “Fier-Mallakastër”, në vendin e quajtur “Qafa e Lalarit”, shtetasi Q. K., 64 vjeç, duke drejtuar automjetin tip “Toyota” ka humbur kontrollin mbi automjetin dhe ka dalë nga rruga.
Për pasojë ka ndërruar jetë shtetasi Q. K , si edhe është dëmtuar shtetasi A. K., 59 vjeç, banues në Patos, i cili ndodhet në spital nën kujdesin e mjekëve.
Grupi hetimor po punon për zbardhjen e shkaqeve të kësaj dalje nga rruga."
Shifrat e aksidenteve rrugore vijojnë të jenë të larta në vendin tonë edhe gjatë këtij viti.
Në pjesën më të madhe të ngjarjeve, shkak i aksidentit ka qenë sjellja e drejtuesit të mjetit. Kryesisht, ngjarjet rrugore janë kryer nga grup-mosha 20 deri në 34 vjeç.
Lexo më tej: Aksidenti tragjik në Itali/ Vajza 1 vjeçe e shqiptarit mbijeton
Lexo më tej: Bilanc lufte nga aksidentet rrugore/ 66 humbje jete në 5 muaj, 825 të plagosur
