Shakira ka zbuluar së fundmi se do të publikojë këngën e saj të re,"Monotonía".
“Nuk ishte faji yt”, ka shkruar artistja në postimin e parë në Instagram, i ndjekur nga “as i imi” dhe “faji ishte monotonia”. Projekti do të publikohet më 19 tetor dhe do të jetë një bashkëpunim me Ozuna.
Kënga vjen katër muaj pasi Shakira dhe Gerard Piqué zbuluan se i kishin dhënë fund lidhjes. “Me keqardhje konfirmojmë se po ndahemi”, tha çifti në një deklaratë të përbashkët në qershor. “Kërkojmë privatësi në këtë moment për mirëqenien e fëmijëve tanë, të cilët janë prioriteti ynë maksimal. Faleminderit paraprakisht për mirëkuptimin dhe respektin.
Muajin e kaluar, artistja foli për ndarjen për herë të parë gjatë një interviste me ELLE. Këngëtarja shpjegoi se prania e vazhdueshme e paparacëve jashtë shtëpisë së saj dhe titujt e ndryshëm e kanë bërë një situatë të vështirë.
"Për ato gra si unë që besojnë në vlerat si familja, të cilat kishin ëndrrën, ëndrrën e madhe për të pasur një familje përgjithmonë, ta shohin atë të copëtuar është ndoshta një nga gjërat më të dhimbshme që mund të kaloni ndonjëherë. ", vuri në dukje ajo.
Çifti konfirmoi për herë të parë lidhjen e tyre në mars 2011. Ata u takuan në xhirimet e videos së saj muzikore për "Waka Waka./Lapsi.al
Lexo Edhe: https://lapsi.al/2022/09/27/shakira-se-shpejti-ne-gjyq-per-evazion-fiskal/
