Shumë njerëz online u shprehën të tronditur me paraqitjen e Madonna-s pasi ajo postoi një video në Instagram ku nuk njihej.
Këngëtarja u pa me një buzë të fryrë teksa tregonte një model flokësh rozë dhe vetulla bionde, ndërsa struktura e saj kockore dukej më në formë zemre se zakonisht.
Përdoruesit e rrjetit nxituan të vinin në dukje se këngëtarja 64-vjeçare nuk dukej më si ajo, madje disa e quajtën mbretëreshën e popit "të çuditshme".
“Ti nuk dukesh më si Madona…. :-(”, ka shkruar një përdorues i Instagramit në pjesën e komenteve të postimit.
“Kjo nuk është Madonna apo jo? Çfarë i ndodhi asaj? Ajo nuk duket si më parë,” u shpreh një person i dytë.
"Çfarë ka bërë ajo me fytyrën e saj," pyeti një i tretë, duke shtuar një pyetje tjetër: "Çfarë i ke bërë vetes?"
“Më vjen keq… por kjo duket e frikshme. Ti ishe e bukur ashtu siç ishe. Është e trishtueshme që kaq shumë gra bien viktimë e dëshirës për t'u dukur 20-vjeçare përgjithmonë dhe e teprojnë me fillerat dhe operacionet,” shkroi një tjetër.
"Halloween erdhi herët," tha një tjetër.
Disa njerëz gjithashtu e krahasuan pamjen e Madonnës me atë të Marilyn Manson, ndërsa të tjerë thanë se ajo i ngjan Amanda Bynes dhe Pete Burns.
Megjithatë, pati edhe disa fansa të artistes që e mbrojtën atë, duke thënë se njerëzit duhet të merren me punët e tyre dhe të mos e gjykojnë atë.
