Pas thirrjes së Partisë Demokratike qytetarët kanë protestuar në Elbasan. Në orën 11:00, ata janë mbledhur në sheshin kryesor të qytetit. Në shenjë rebelimi ndaj qeverisë, qytetarët kanë fikur makinat dhe i kanë rreshtuar në shesh. Protesta nisi në orën 11:00 dhe do të mbahet për 60 minuta. Njoftimi për protestën u bë nga selia blu e Partisë Demokratike. Njoftimi shtonte gjithashtu se ky 11 tetor do të shënojë dhe nisjen e protestave kundër qeverisë.
Protesta e sotme ka moton 'boll heshtëm' dhe kërkesa kryesore është ulja e çmimit të naftës që ka kapur çmimin rekord, 245 lekë për litër.
