Gjermania do të paguajë pjesën më të madhe të faturave të gazit për familjet dhe bizneset për periudhën e Dhjetorit. Masa vjen si pjesë e një përpjekjeje për të mbrojtur qytetarët dhe ekonominë nga kriza energjetike e nxitur nga lufta në Ukrainë .
Sipas skemës, rimbursimi i plotë do të bëhet pas dy muajsh. Gjithashtu me pranverën e ardhshme me një skemë më të diferencuar subvencionimi. Nga marsi 2023 deri në fund të prillit 2024, familjet do të paguajnë 0,12 € për kilovat orë për 80% të parë të përdorimit të gazit që përdorën përgjatë 2022.
Sipas propozimeve të tyre me kosto rreth 90 miliardë euro bizneset pritet të paguajnë 7 cent për kilovat orë për 70 për qind të përdorimit të tyre të gazit në vitin 2022, duke filluar nga Janari. Kjo korrespondon afërsisht me nivelin e çmimeve që pritet në të ardhmen ndërsa plani synon të parandalojë rritjen e çmimeve përtej kësaj.
Lexo më tej: Pse “Revolucioni i grave” i Iranit mund të jetë një moment si Muri i Berlinit
Qeveria e kancelarit Olaf Scholz njoftoi se do të punonte shumë shpejt për zbatimin e një plani. Plani do të jetë me dy faza të rekomanduar nga një panel ekspertësh. Paneli, i cili përfshinte përfaqësues të industrisë dhe sindikatave, shkencëtarë dhe politikanë, i paraqitën konkluzionet Scholz dhe ministrave të ekonomisë dhe financave të vendit në fillim të kësaj jave.
Gjermania është kritikuar nga fqinjët e BE-së pas miratimit të paketës 200 miliardë Euro. Ajo është kritikuar mes paralajmërimeve në Berlin se ekonomia më e madhe e Evropës duhet të reduktojë konsumin e saj të gazit. Duhet t'a reduktojë me 20 %me ardhjen e dimrit si masë për të kursyer energji.
Shumë vende evropiane kanë propozuar subvencione të ngjashme. Gjithmonë bëhet fjalë për lëndët djegëse fosile përballë çmimeve në rritje. Por disa nga fqinjët e Gjermanisë kanë kritikuar shumën e madhe që Berlini po lë mënjanë. Ata argumentojnë se kjo do t’i çojë jashtë tregut. Rusia filloi të reduktojë furnizimet me gaz në Gjermani përmes gazsjellësit Nord Stream 1 në Qershor. Dhe, i ndërpreu plotësisht ato më shumë se një muaj më parë.
