Kryeministrja e ardhshme e Italisë Giorgia Meloni ka reaguar pas bombardimeve të fundit ruse në Kiev, Lviv e Kharkiv. Meloni ka se situata në Ukrainë është serioze. Ajo shtoi se nuk duhet lejuar tentativat e Putin për të aneksuar rajone të reja në Ukrainë. Në një intervistë, drejtuesja e partisë që fitoi zgjedhjet në Itali, kërkoi që Europa të bëhet më kurajoze.
“Kemi nevojë për një Europë më të guximshme përballë sfidave dhe më të përulur kur bëhet fjalë për problematika që mund t’i zgjdhin fare mirë politikat vendase të çdo shteti anëtar”, tha Meloni.
Sipas Melonit, fitorja e Vëllezërve të Italisë e ka mbushur me shpresë për një Europë të lirë. Me fitoren e të djathtëve ajo shpreson se ka ende një alternativë shpëtimi për shtetet sovrane.
