Personi në foton më lart është Fatjon Murati. Ai u arrestua mbrëmjen e së shtunës nga policia e Tiranës. Ai rezultonte i shpallur në kërkim policor prej korrikut të këtij viti. Ndalimi u bë teksa lëvizte me një makinë të blinduar me Endrit Doklen.
Në makinën e tyre ishte edhe Gentjan Reçi, kunat i Dokles dhe nipi i Xhelal Reçit i ekzekutuar një vit më parë në Kurbin. po kush është Fatjon Murati. Emri i tij del fillimisht në njoftimet e policisë italiane. Në 2016-ën ai u arrestua si pjesë e një grupi që grabisnin shtëpi dhe shpërndanin drogë në rajonin e Venecias.
Pas dënimit ai u kthye në Shqipëri. Në 12 korrik të këtij viti ai u shpall në kërkim pas zbulimit të një baze armatimi në Tiranë. Në operacionin e koduar “Ruger” u arrestua Kristjan Gjini. Policia thotë në njoftimin e saj se Murati dhe Gjini janë bashkëpunëtorë dhe posedues të armëve.
5 ditë më vonë do të ndodhte masakra e Fushë Krujës ku në një atentat në Fushë Krujë u ekzekutuan Brilant Martinaj, Besmir Hoxha dhe Dikler Vata. Murati ka qenë një nga personazhet që është kërkuar nga Prokuroria e Kurbinit për t’u marrë në pyetje. ©LAPSI.al
[caption id="attachment_765916" align="alignnone" width="566"]
Fatjon-Murati[/caption]
