Aktori Pierce Brosnan ka paraqitur një urdhër ndalimi kundër një fanseje që po ndjek atë dhe familjen e tij.
Aktori e bëri ankesën të premten, sipas Los Angeles Times. Ai pretendoi se gruaja 55-vjeçare, e identifikuar si Michelle Welch Mulready, kishte “parkuar para shtëpisë sime, duke më përndjekur mua, familjen time dhe mysafirët”.
Sipas gazetës, urdhri i ndalimit thoshte se Mulready jetonte në makinën e saj që nga 5 shtatori dhe se Brosnan kishte telefonuar tashmë dy herë policinë për t'u ankuar. Përndjekësja e supozuar fillimisht nuk u nis për të gjetur Brosnanin, por aktorin Dick Van Dyke. "Ajo ka një tatuazh të tij në krahun e saj," vuri në dukje ankesa.
"Por kur më gjeti mua dhe familjen time, ajo qëndroi para shtëpisë tonë," tha Pierce Brosnan në dosjen e tij. “Ajo më dha dy kartëmonedha të çuditshme. Më tha se i duheshin 1500 dollarë për goma të reja”.
Sipas urdhrit të gjykatës, Mulready i ndalohet "kontaktimi i drejtpërdrejtë me Brosnanin dhe familjen e tij". Asaj i kërkohet gjithashtu të qëndrojë 400 metra larg shtëpisë, makinës dhe punës së Pierce. Urdhri i ndalimit mbetet në fuqi deri më 25 tetor, kur më pas do të zhvillohet seanca në Gjykatën e Lartë të Los Anxhelosit./Lapsi.al
Marrë nga: Fox News
