Deputetja e Partisë Demokratike, Jorida Tabaku bëri të ditur se grupi parlamentar i kësaj force politike ka dërguar në Gjykatën Kushtetuese Bordin e Transparencës. Ky bord është krijuar për të përcaktuar çmimet e karburanteve. Duke e cilësuar bordin i oligarkëve, Tabaku tha se ai cakton cmimet më të larta të karburanteve në gjithë rajonin. Sipas saj kjo duhet të jetë çështja e parë që Gjykata duhet të trajtojë.
“Grupi parlamentar i Partisë Demokratike ka dërguar në Gjykatën Kushtetuese Bordin e Oligarkëve. Ai po cakton cmimet më të larta të karburanteve në të gjithë rajonin! Kjo duhet të jetë cështja e parë prioritare që duhet të trajtojë kjo Gjykatë. Është çështje e interesit publik, si barrë për ekonominë e për familjet shqiptare”, shkruan Tabaku.
Ky reagim i Partisë Demokratike vjen pas vendimit të djeshëm të Bordit për ta rritur naftën me 22 lek, duke shkuar në 245 lekë/litër.
