Këngëtarja e muzikës country, Jody Miller u nda nga jeta të enjten në moshën 80-vjeçare.
Artistja fituese e çmimit Grammy me "Queen of the House" vdiq shtatë vjet pasi u diagnostikua me sëmundjen e Parkinsonit në Blanchard, Oklahoma, e rrethuar nga familja e saj.
Lajmi për vdekjen e yllit u shpërnda në faqen e muzikës së vajzës së saj, Robin Brook në Facebook, Middle-Sister Music.
Këngëtarja publikoi hite të tilla si "Let's All Go Down to the River" dhe "Home of the Brave", por kulmin e famës e arriti pasi "Queen of the House" u publikua si përgjigje ndaj hitit të Roger Miller “King of the Road”.
E lindur në Arizona, Miller më vonë u zhvendos në Blanchard dhe u bë artistja e parë fituese e çmimit Grammy në Oklahoma në 1966-ën.
Ajo u menaxhua në vitin 1965 nga Capitol Records, që e çoi karrierën e saj në një tjetër nivel, duke përfshirë performancën e 1988-ës për Presidentin George H.W. Bush.
