Kohët e fundit shumë prapaskena të familjes mbretërore, sidomos cilësi që nuk i dinim të anëtarëve të saj kanë dalë në pah nga dokumentarë dhe libra të shkruar nga persona që i njohin ata nga afër.
Në librin e tij të titulluar “Fuqia e fshehur prapa kurorës” Valentine Low ka ekspozuar Princ Harry-n në veçanti.
Ai ka treguar për kohën kur shoqëroi Harry-n dhe Meghan Markle në vizitat e tyre në Australi, Zelandë të Re, Fixhi dhe Tongë.
Low ishte shumë i afërt me Dukën dhe Dukeshën e Sussex-it gjatë turneut të tyre, i ndoqi ata nëpër vendet që vizituan dhe prezantoi me ta edhe disa anëtarë të shtypit para se të hypnin në avionin e tyre.
Shkrimtari ndër të tjera tregoi se Princ Harry ishte shumë i vrazhdët dhe i pasjellëshëm me gazetarët.
“Faleminderit që erdhët”, i tha ai shtypit të mbledhur, “edhe pse nuk ishit të ftuar”.
“Edhe për një njeri që ka një mosbesim të thellë ndaj shtypit, kjo ishte një sjellje aspak korrekte,”-u shpreh Low.
Valentine tregoi gjithashtu se edhe stafi i Harry-t i kishte bërë vërejtje dhe përgjigjja e tij sërish kishte qenë po aq e vrazhdët.
“Epo, nuk duhet të më detyronit t’i takoja.”
