Elon Musk ka thënë se vendimi i tij për të blerë Twitter është pjesë e planit për ta kthyer platformën në një "aplikacion për gjithçka".
Musk shkroi në Twitter se blerja e faqes ishte "një përshpejtues" për krijimin e një aplikacioni të quajtur X. Ai ka folur gjerësisht në të kaluarën për idenë e një "aplikacioni" ku përdoruesit mund të gjitha shërbimet e tyre të preferuara online. Në Kinë ekziston një version i tillë. WeChat, një app i cili lejon përdoruesit të bëjnë gjithçka duke filluar nga postimet, lajmet, pagesat , rezervimet në restorante. Gjithashtu, Elon ka shprehur se do të lejojë lirinë absolute të fjalës në platformë dhe do të heqë të gjitha llogaritë e spam ose bot në një përpjekje për të përmirësuar bisedën.
Mirëpo,stafi aktual në Twitter thuhet se janë të alarmuar nga qasja e propozuar e zotit Musk, një çështje që analisti i industrisë Mike Proulx tha se duhet të adresohet nëse ai dëshiron të ketë sukses si kreu i kompanisë.
"Twitter mbetet një pjesë e rëndësishme e kulturës sonë, pavarësisht nga drama e vazhdueshme rreth kësaj marrëveshjeje" u shpreh ai. “Nëse Musk merr përsipër kompaninë, misioni i tij duhet të jetë fitimi dhe ruajtja e besimit të punonjësve të Twitter. E ardhmja e kompanisë është e zymtë pa një bazë punonjësish të angazhuar .”
Në qershor, CEO i Tesla deklaroi se mund të ketë pushime nga puna kur ai të marrë drejtimin. "Varet. Kompania duhet të jetë e shëndetshme”. “Për momentin kostot i kalojnë të ardhurat.” /Lapsi.al
Marrë nga: Independent
