Gjykata Administrative ka shtyrë për në 7 tetor seancën e shqyrtimit të sigurimit të padisë të bërë nga kolegji “Mehmet Akif". Përfaqësuesit ligjorë kanë paditur vendimin e Këshillit të Ministrave për mbylljen e shkollës. Seanca u shty për saktësimin e prokurës së përfaqësimit të avokatit të “Mehmet Akif” dhe kërkesën e tij për të qenë të pranishëm si palë edhe përfaqësues të Këshillit të Ministrave.
Në këtë proces do të shqyrtohej kërkesa e kolegjit, pjesë e fondacionit “Gylistan”, për të mos zbatuar vendimin për heqjen e licencës deri në shqyrtimin e padisë në themel.
