Lindsay Lohan ka folur së fundmi për rikthimin në aktrim. Aktorja e cila do të luajë në filmin Falling for Christmas, tha se rikthimi "është si të ngasësh një biçikletë".
" Është një pjesë e imja. Të bësh filma, të luaj një personazh. Më sjell kaq shumë gëzim të jem në gjendje të ndaj një histori me njerëzit. Të marrësh njerëzit në atë udhëtim me mua është një bekim ", u shpreh ajo për Hollywood Reporter.
Në Falling for Christmas, Lindsay Lohan luan si një trashëgimtare hoteli e sapofejuar që vuan nga amnezia pas një aksidenti në ski. Me afrimin e Krishtlindjes, ajo e gjen veten nën kujdesin e (Chord Overstreet) dhe vajzës së tij. Filmi do të publikohet në Netflix më 10 nëntor.
Lohan, e cila nënshkroi një marrëveshje për dy filma të tjerë me shërbimin e transmetimit do të luajë gjithashtu në Irish Wish. Në fillim të këtij viti,aktorja mori pjesë në një reklamë të Super Bowl për Planet Fitness, "What's Gotten Into Lindsay". Reklama i referohej marrëdhënies së saj të kaluar me paparacët. “E lumtur që mund të lej pas të kaluarën time një herë e përgjithmonë dhe të ndaj me njerëzit se si po e jetoj jetën time sot”, tha ajo për PEOPLE në atë kohë./Lapsi.al
