Depozitat e ujit të kaldajeve në shkollën 9-vjeçare "Vëllezërit Haradinaj" kanë shpërthyer sot. Shpërthimi i depozitave të ujit në Rrashbull të Durrësit ka bërë që procesi mësimor të ndërpritet. Shkolla në fjalë është njëra prej atyre objekteve të rikonstruktuara pas tërmetit të tre viteve më parë, ku humbën jetën 51 qytetarë.
Drejtuesit e shkollës shprehen jashtë kamerave se vendimi për pezullimin është marrë në koordinim me Drejtorinë Vendore të Arsimit. Ndërsa nuk dihet ende se kur mund të bëhet rikthimi i shkollës në normalitet.
