Detaje të reja dalin nga pengmarrja në autostradë. Një konflikt i hershëm mes disa personave është tentuar të finalizohet me rrëmbimin e një 31-vjeçari të dielën pasdite në autostradën Tiranë-Durrës.
Mësohet se dy vëllezër të identifikuar si Gentian dhe Indrit Beqiraj kanë qenë duke udhëtuar me motor në momentin që një automjet i ka goditur nga pas. 4 persona kanë dalë nga automjeti, dhe pas konfrontimit fizik, njërin prej vëllezërve, Indritin e kanë futur me forcë në makinë.
Pengmarrja nuk zgjati shumë. Pas 500 metrash, autorët e kanë lëshuar 31-vjeçarin, i cili ka bërë denoncimin në polici.
Policia dyshon se autorët janë pjesë e shoqërisë së dy vëllezërve Beqiraj. Shkak i konfliktit dyshohet se është bërë shitja e armëve të zjarrit. Deri tani janë shoqëruar disa persona në lidhje me ngjarjen.
Dy vëllezërit rezultojnë me precedente penalë. Në vitin 2013 janë arrestuar për trafik narkotikësh dhe armëmbajtje pa leje.
Policia po heton në dy pista. Atë të rrëmbimit dhe konflikte të vjetra mes të rinjve në lidhjen me pazaret e drogës.
Lexo më tej: I prenë rrugën me makinë dhe u përplasën fizikisht, policia jep detaje për pengmarrjen në autostradë
Lexo më tej: Dekriptimi i mesazheve/ Si u fut në kurth Ervis Martinaj
