Bregdeti i Karolinës së Jugut u godit të premten nga uragani Ian. Mega-stuhia vdekjeprurëse hapi një rrugë të gjerë shkatërrimi më parë në Florida. Qendra Kombëtare e Uraganeve (NHC) në Miami paralajmëroi për rrezikun e një stuhie kërcënuese për jetën. Erërat e forcës së uraganit vijuan rrugën drej Karolina e Veriut nga bregu verilindor i Floridës. Ndërkohë, në Florida, numri i të vdekurve nga stuhia është rritur në të paktën 21 persona.
Zyrtarët kanë frikë se do të përfundojë të jetë fatkeqësia më e madhe natyrore në historinë e Floridës. Të premten herët në mbrëmje, parashikuesit e Qendrës Kombëtare të Uraganeve thanë se Ian ishte dobësuar në një ciklon posttropikal pas rënies së tij në Karolinën e Jugut.
Stuhia dukej se e kishte kursyer kryesisht qytetin historik Charleston të Karolinës së Jugut. Kryebashkiaku i Charleston tha se qyteti po priste përmbytje dhe më shumë se 200,000 persona në të gjithë shtetin humbën energjinë. Ekipet e shpëtimit kishin arritur në 3,000 shtëpi të shkatërruara ose të përmbytura. Pothuajse 2 milionë njerëz mbetën pa energji elektrike, dhe në qarkun Lee, ku Ian arriti në tokë pranë Fort Myers, nuk kishte ujë të rrjedhshëm.
