Hetimet e policisë për vrasjen e Pjetër Kolës në zonën e Pukës kanë çuar agjentët në gjurmët e një tjetër personi. Një grua e cila mësohet se është shoqëruar tanimë. Gruaja e shoqëruar është nga Berati dhe është ndaluar pasi mendohet se ka dijeni për rrethanat e ngjarjes.
Vrasja e 44-vjeçarit Pjetër Kola dyshohet se ndodhi në një magazinë në fshatin Korthpulë, pas prishjes së pazareve të drogës. Deri tani të arrestuar për ngjarjen janë dy banorë të zonës. Një grua nga Cërriku dhe e sapondaluara nga Berati.
Ndërkohë, autori i dyshuar i ngjarjes, Martin Përgjini mbetet ende në arrati. Dyshohet se në magazinën e drogës që u bë shkak për vrasjen e Kolës më 27 shtator, punonin gra nga rrethe të ndryshme të Shqipërisë. Dhe, ndër punonjësit e angazhuar aty ishin edhe shtetas të huaj.
Pjetër Kola nga fshati Ungrej i Lezhës fillimisht u dërgua nga dy persona ende të paidentifikuar në qendrën shëndetësore në Vaun e Dejës. Ata më pas e braktisën aty.
Më pas nga aty u transportua në spitalin rajonal të Shkodrës për mjekim më të specializuar dhe policia njoftoi se 44-vjeçari ndërroi jetë në spital./BW/
Lexo më tej: Eleminimi i Pjetër Kolës në Pukë, shpallet në kërkim autori
