E filmuar në Mexico City, video "Hold Me Close" u drejtua nga regjisori, Tanu Muino. Punët e tij të mëparshme janë: "Montero" të Lil Nas X, "As It Was" të Harry Styles, "Up" të Cardi B, "Fleabag" të Yungblud dhe "Rumors" të Lizzo-s, ndër të tjera. Britney dhe Elton nuk janë në klip.
"Kjo ishte një ngjarje emocionale për mua pasi u rrita me Britney. Pasi pashë 'Slave For You', vendosa që doja të bëhesha regjisor video," shkroi Muino në një deklaratë. "Elton John është një ikonë që unë dhe bota u rritëm duke e dëgjuar." Muino tregoi se ai planifikoi të shkonte në një drejtim "të papritur" me konceptin e videos. "E dija se do të kishte shumë pritshmëri . Me këtë përgjegjësi, më duhej të bëja diçka ndryshe dhe të papritur'.
"Pamjet vizuale duhej të ishin të ndryshme. Kërcimi duhej të ishte i menduar për t'i bërë krenarë John dhe Spears. Ne xhiruam nëpër të gjitha vendet e mia të preferuara arkitekturore në Mexico City. Marrja e kërcimtarëve, ekipit dhe aksesit më të mirë në disa nga vendet më private në botë ishte e thjeshtë pasi të gjithë donin të punonin me Elton John dhe të ishin pjesë e trashëgimisë së tij", shtoi regjisori.
Lajmi për bashkëpunimin doli në korrik, kur ET mësoi se John dhe Spears kishin regjistruar një bashkëpunim . Dueti i tyre u publikuar më 26 gusht dhe është një përditësim i hitit , "Tiny Dancer"./Lapsi.al
