Kryeministri Edi Rama ka dalë në një deklaratë për mediat pas mbledhjes së qeverisë. Ai ka njoftuar se Këshilli i Ministrave vendosi rritjen e pagave për disa kategori të institucioneve, përfshi edhe administratën publike. Të gjithë punonjësit e policisë në nivel inspektorësh dhe nivel i mesëm të ketë një shtesë page. Shtesa më e lartë 15% është për nivelin e bazë, shtesa 7% është për nivelin e mesëm. Shtesë page do të ketë edhe për gardën, policinë e burgjeve, zjarrfikësat, administratën publike.
Fjala e Ramës:
“Ne sot kemi marrë vendimin që Policia e Shtetit, nivelet bazë pra të gjithë punonjësit inspektorë dhe niveli i mesëm të kenë një shtesë page 7%. Shtesa më e lartë është për nivelin bazë 15%. Shtesa në vijim është për nivelin e mesëm. E njëjta vlen për gardën e Republikës. Kemi një shtesë për page edhe për policinë e burgjeve, për zjarrfikëse, për administratën publike dhe jo vetëm për nëpunësit në shërbimin publik por edhe punonjësit mbështetës.
Të gjitha vendimet hyjnë në fuqi menjëherë. Pra paga e ardhshme që do të marrin të gjitha kategoritë do të jetë e rritur sipas përcaktimeve në vendimet përkatëse. E njëjta gjë do të ndodhë me pensionet, të cilat janë sic e kemi thënë, riindeksuar dhe kemi rritje prej 9.5% në raport me 1 vit më parë. Kjo do të materializohet në pensionet që do të merren.
Gratë kryefamiljare me 2 fëmijë kanë 2-fishim të ndihmës ekonomike. Po ashtu për të gjithë të moshuarit mbi 65 vjec që janë në kategorinë e ndihmës ekonomike bëhet dyfishim në mënyrë që pesha më e madhe të lehtësohet më shumë”, tha Rama.
