Komisioni i Vettingut vendosi sot shkarkimin nga detyra të gjyqtares Shefkie Mataj (Demiraj). Kjo e fundit nuk arriti të justifikonte pasurinë e saj. Ndërkohë, Demiraj u vlerësua pozitivisht për pastërtinë e figurës. Demiraj njihet gjithashtu si një nga gjyqtaret që mbylli “Çështjen e Gërdecit”. Si pasojë e shpërthimeve të municioneve humbën jetën 26 persona.
Gjyqtarja Demiraj e ka nisur karrierën në sistemin e drejtësisë në vitin 1992 dhe ka punuar për më shumë se një dekadë në Gjykatën e Rrethit Tropojë. Prej vitit 2006, Demiraj e ushtron funksionin në Gjykatën e Rrethit Gjyqësor Tiranë.
