Shkrimtari dhe publicisti Fatos Lubonja thotë se arsyeja e ardhjes së Giorgia Melonit në pushtet është lodhja e italianëve nga klasa dominuese. Ai u shpreh se nuk pret që të ketë një ndryshim në Itali, as në aspektin ekonomik, por ajo që sheh pozitive është mësimi që iu dha klasës dominuese në Itali me rezultatin e këtyre zgjedhjeve.
“Çfarë u tha për “5 stelle” që fitoi me 33% para 4 vitesh. Nëse do kërkojmë diçka të përbashkët është të qenit parti anti-sistem. Fitorja i dedikohet lodhjes së italianëve nga klasa dominonte politike.
Ajo që tha Leonard Berberi është e vërtetë. Kanë shkuar votues të “5 Stelle” tek Meloni sepse janë pjesa më anti-sistem e votuesve të Italisë. “5 Stelle” zhgënjeu sepse u fut brenda sistemit dhe ra. Edhe Lega.
Futja ishte në qeverinë Draghi, që paraqitej si përfaqësues i bankave, i klasës dominonte. Pyetja është nëse Meloni do të jetë kaq anti-sistem. Deklaratat e saj deri në zgjedhje kanë ndryshuar në radikalizëm. Ka qenë kundër Sorosit sepse ishte anti-liberale lidhur me emigracionit. Ka akuzuar se po bëhen zhvendosje etnike. Po përzihen italianët e po sillen emigrantë të huaj.
LEXO EDHE: Analiza/ Si i fitoi zgjedhjet në Itali një parti me rrënjë neofashiste
Për të drejtat sociale e civile, Meloni është kundër kryesisht dhe nuk ka ndjeshmëri ndaj të drejtave sociale sepse është e djathtë. Por është jo haptazi kundër, me një gjuhë të moderuar ndaj martesave të komunitetit LGBTQ. Mund të konsiderohet edhe pak nativiste.
Mendoj që do të thithet nga sistemi, ka qenë pjesë e sistemit. Në anën ekonomike nuk do të ndryshoje asgjë. E mira është që i dha një mësim klasën dominonte që i trajtonte që këta janë fashistë. Nuk duhet të vijnë.
Kur fashistë janë treguar klasa dominonte në mënyrën si i kanë trajtuar. Von der Leyen guxon të thotë që nëse vjen në pushtet Meloni do të veprojmë si me Hungarinë. Demokracia është e shëndoshë në Itali. Këtë kuptoj nga kjo”, - tha Lubonja në emisionin “Open”. ©LAPSI.al
