Netflix ka zbuluar datën e premierës për sezonin 5 të "The Crown" gjatë eventit të tij me fansat në internet.
Seriali do të rikthehet më 9 nëntor me një kast krejtësisht të ri. Imelda Staunton merr rolin e mbretëreshës Elizabeth II , ndërsa Jonathan Pryce do të luajë bashkëshortin e saj, Princin Philip. Ndërkohë Dominic West do të luajë Princin Charles, Elizabeth Debicki , Princeshën Diana dhe Lesley Manville bashkohet si motra e Mbretëreshës Princesha Margaret.
Sezoni besohet të mbulojë familjen gjatë gjithë viteve 1990. Edhe pse shkrimtarët dhe producentët nuk kanë zbuluar se cilat ngjarje reale nga jeta e familjes mbretëror planifikojnë të sjellin në ekran, kasti i aktorëve u ka dhënë fansave disa të dhëna për të shqyrtuar.
Salim Daw është përzgjedhur për të luajtur rolin e pronarit të dyqanit të mallrave miliarder, Mohamed Al-Fayed. Khalid Abdalla do të luajë djalin e Al-Fayed. Ai vdiq tragjikisht në të njëjtin aksident automobilistik që vrau Princeshën Diana. Ata të dy ishin të lidhur në atë kohë. Humayun Saeed do t'i bashkohet kastit si Dr. Hasnat Khan, një kirurg zemre me të cilin Diana kishte një lidhje të fshehtë dyvjeçare. Publiku do të shohë gjithashtu një paraqitje të shkurtër të Princit të ri William dhe Princit Harry.
Ndonëse tashmë është jashtëzakonisht i pëlqyer singa shikuesit ashtu edhe nga kritikët, vdekja e Mbretëreshës Elizabeth II më 8 shtator ka nxitur interesim të ri për 'The Crown".. Sipas firmës analitike të të dhënave Whip Media, shikueshmëria e shfaqjes u rrit më shumë krahasuar me periudhën e mëparshme.
Përktheu:Lapsi.al
Marrë nga: Variety
