Ilir Meta akuzoi sot qeverinë se ka dështuar me menaxhimin e sektorit të ujësjellësave dhe kanalizimeve.
Në një konferencë për mediat Kryetari i Partisë së Lirisë tha se uji që humbet ose vidhet sot është në nivelin 67%. Meta bëri përgjegjës kryeministrin Rama për këtë situatë.
“Të gjithë do të preken nga vendimet e fundit pavarësisht nga demagogjia e qeverisë. Pasojat e vërteta dhe më të rënda, përfshi edhe vendimin e fundit për rritjen marramendëse të çmimit të energjisë, vijnë si rezultat i mungesës së përgjegjësisë së një artisti që ka 10 vjet që ka marrë lejen në fushën e vjedhjes dhe korrupsionit. Asnjë justifikim nuk qëndron. Le të marrim në konsideratë situatën me menaxhimit e ujit të pijshëm. Edhe ai ka efektin e vet në këtë dështim të çështjes së energjisë. Dështimet e jashtëzakonshme në këtë sektor, pavarësisht se premtoi që do garantonte 24 orë ujë, është spektakolar. Uji për të cilin nuk merren të ardhurat është shumë i lartë, 67% e tij, humbet ose vidhet nga keqmenaxhimi”, tha Meta.
Lexo më tej: Meta thirrje: Ruani sahatet se patronazhistët mund t’ua mbifaturojnë
Lexo më tej: Fatura e energjisë/ Ku po manipulon qeveria
Lexo më tej: Llogaritë sa do paguajmë/ Qeveria pesëfishon çmimin e energjisë për dimrin
