Pas mbylljes së Shkollës ‘Mehmet Akif’ me urdhër qeverie, reagoi Edi Rama.
Ky i fundit justifikoi vendimin me reagimin në Twitter. Kryeministri shkruan se shkolla është mbyllur për shkak se ka ndryshuar godinën pa njoftuar.
Rama thotë se nuk është e vërtetë që shkolla është mbyllur pas urdhrit të Erdogan.
Reagimi i plote i kryeministrit Rama:
Përdorimi i fëmijëve pastaj për të fshehur fajin karshi ligjit, prindërve dhe vetë nxënësve, duke luajtur rolin e viktimës së qeverisë, kur në fakt je verifikuar jo një po dy herë në shkelje, tregon ndërgjegje të ulët në raport me misionin e lartë të një vatre edukimi.
Të shesësh godinën ku ke lejen e aktivitetit shkollor dhe të hapësh aktivitetin diku tjetër, pa marrë lejen sipas ligjit, pa plotësuar kriteret e pa përmbushur standartet e kërkuara ligjërisht, është një shkelje për të cilën ligji parashikon heqjen e liçencës.
Pas çdo vendimi kërkohet një qëllim tjetër nga i vërteti. Dhe bombardohet publiku me lajme të rreme e me teori konspiracioni! S’ka asgjë të tillë. Dhe asnjë qëllim tjetër përveç zbatimit të barabartë të ligjit në rastin e heqjes së një liçence shkolle si plot të tjera më parë.
Lexo më tej: Mbyllet kopshti i Turgut Ozal/ Akuza qeverisë shqiptare
Lexo më tej: Vendimi për mbylljen e kolegjit dhe kopshtit/ Reagimi: Do t’i shkojmë deri në fund rrugës ligjore
