Një raport i FBI-së amerikane dhe Agjencisë së Sigurisë Kibernetike dhe Infrastrukturës, CISA, zbuloi se hakerat kishin përfituar akses tek databazat e qeverisë shqiptare 14 muaj para sulmit kibernetik të korrikut.
Lexo më tej: FBI dhe CISA zbërthejnë hakerimin: Kishin akses tek qeveria prej 14 muajsh
Një vrojtim që i ka bërë ish-ministri i Drejtësisë, Eduart Halimi, situatës ngre shumë pikëpyetje.
Halimi thekson se duke bërë një matematikë të thjeshtë, del që hakerat iranianë kanë arritur të kenë akses tek qeveria shqiptare që prej 14 majit 2021. Kjo datë del nëse llogarisim 14 muaj para sulmit të parë kibernetik të 14 korrikut 2022. Sulm që e analizoi FBI-ja dhe CISA-ja amerikane.
14 maji 2021 është rreth një muaj larg 11 prillit 2021. Dita kur Lapsi.al zbuloi skandalin e patronazhistëve. Një listë qindra mijëra njerëzish me të dhënat personale dhe bindjet politike që dispononin zyrat e PS-së.
Edhe pse nuk u hetua kurrë thelbi i çështjes së patronazhistëve, por SPAK vendosi të bastisë portalin Lapsi.al për publikimin e databazës, gjithmonë u aludua përtej dyshimit të arsyeshëm që të dhënat e patronazhistëve u siguruan pikërisht nga E-Albania, projekti i preferuar digjital i Edi Ramës.
Nëse E-albania do të keqpërdorej politikisht nga partia në pushtet deri në patronazhim, ose ndryshe spiunim të qytetarëve në shkelje flagrante të të drejtave të njeriut, konkretisht privacisë, a do ta kishin vështirë hakerat e sponsorizuar nga Irani të rrëmbenin diçka që pothuaj i ishte servirur gati? A do ta kishin të vështirë të futeshin për të grabitur një shtëpi që i ka të gjitha portat e dritaret hapur? ©LAPSI.AL
Lexo më tej: Shtetit i kanë rënë brekët, prokuroria kërkon që ti’a ngrejë
Lexo më tej: Gjithçka sheshit, si e rrëzuan hakerat Policinë e Shtetit
Lexo më tej: Ne do i themi “JO” urdhërit të prokurorisë
