Një nga transmetuesit më të njohur të Kinës u rishfaq në heshtje në internet të martën mbrëma, pas një mungese tre mujore të lidhur me paraqitjen e tij me një tortë në formë tanku, në atë që shumë besonin se ishte një referencë e zhdrejtë për masakrën e Sheshit Tiananmen.
Të martën mbrëma, Li Jiaqi u rishfaq në Taobao Live të Alibaba, një platformë e transmetimit të drejtpërdrejtë për gjigantin e tregtisë elektronike.
Emisioni i tij tërhoqi menjëherë mijëra shikues brenda minutave të para, pavarësisht asnjë njoftimi paraprak në llogaritë e tij në rrjetet sociale. Deri në fund të shfaqjes dy-orëshe, 63 milionë shikues e kishin parë transmetimin e tij të drejtpërdrejtë, më i lartë se shumica e shfaqjeve të mëparshme. Por ende më i ulët se trafiku gjatë festivaleve kryesore të blerjeve.
Transmetuesi i drejtpërdrejtë 30-vjeçar, i quajtur gjithashtu Austin Li, ishte një nga personazhet më të famshëm të internetit në Kinë, me 64 milionë ndjekës në Taobao të Alibaba. Një herë ai shiti 15,000 buzëkuq brenda pesë minutave në një konkurs shitjesh kundër themeluesit të Alibaba, Jack Ma, duke fituar pseudonimin "Mbreti i buzëkuqëve të Kinës".
