Një shtetas turk është ndaluar ne Rinas. Mësohet se menjëherë pasi ka mbërritur në Shqipëri, shtetasi turk ka kërkuar azil në vendin tonë. Avokati i shtetasit thotë sekanë depozituar kërkesën për të qëndruar. Ndërkohë autoritetet shqiptare nuk pranojnë t’i japin shkresën për ta plotësuar.
"Të trajtohet kërkesa për Azil Politik në shtetin Shqiptar , për arsye sepse dëbimi nga shqipëria mund të më rrezikojë seriozisht jetën dhe njëkohësisht mund të diskriminohem për shkak të bindjeve politike në shtetin e Origjinës. Kërkues: Ahmet Emre Olur, Përfaqësuar nga avokatët: Arben Llangozi, Orgesa Serani", thuhet në kërkesën e depozituar për azil politik.
Të ngjashme: Bosi turk i kriptomonedhave nis betejën kundër ekstradimit
Nga autoritetet mësohet se bëhet fjalë për shtetasin Ahmet Olur i cili po mbahet i ndaluar dhe rrezikon dëbimin drejt Turqisë. Avokati i Olur, Arben Llangozi thotë se ai ka qenë gazetar në Turqi. Sipas dëshmisë së tij, Olur përndiqej nga Erdogan për shkak të bindjeve politike. Momentalisht gazetari mbahet i ndaluar në Rinas nga ku pritet të dëbohet.
