Gjatë komunikimit me gazetarë e qytetarë në FB, kryeministri Edi Rama ka folur edhe për sulmin kibernetik nga Irani. Ai tha se ky është një agresion i mirëfilltë luftarak.
"Eshtë një shqetësim i madh, kemi sulme të vazhdueshme prej shumë vitesh, por të një shkalle të ulët. Ky është një agresion i mirëfilltë luftarak në botën e internetit dhe sistemeve dixhitale. Agresion i egër me një qëllim të qartë, zhdukjen e të dhënave, duke lënë një tokë të djegur nga pas, ky është konkluzioni i ekspertëve që na kanë mbështetur dhe zotërojnë edhe njohurinë më të madhe sot, si Microsoft. Sulmi nuk e ka arritur qëllimin, dëmet janë shumë më të lehta se shkalla e agresivitetit. Sistemet janë kthyer në punë. Të dhënat janë irrelevante sa i përket sensitivitetit të tyre. Gjithcka tjetër ka patur si qëllim përhapjen e panikun dezinformimit. Kjo është situata sot.”- tha Rama.
