Presidenti i Republikës, Bajram Begaj dhe Zonja e Parë, Armanda Begaj janë nisur këtë shtunë për të marrë pjesë në funeralin shtetëror për Mbretëreshën Elizabeth II.
“Me ftesë të Mbretit Charles III, të Mbretërisë së Bashkuar dhe Commonwealth-it, Presidenti i Republikës së Shqipërisë, Sh. T. Z. Bajram Begaj, niset sot drejt Londrës për të marrë pjesë në Funeralin Shtetëror për Mbretëreshën Elizabeth II. I shoqëruar nga Zonja e Parë, Armanda Begaj, Presidenti do të jetë pjesë e ceremonialit të homazheve, për nder të Mbretëreshës Elizabeth II”, thuhet në njoftim.
Lexo më tej: Mbretëresha Elizabeth II: Një jetë e tërë në fotografi
Në ceremonitë e organizuara me këtë rast, do të marrin pjesë autoritetet më të larta shtetërore të vendeve të ndryshme të botës. Mediat e huaja bëjnë me dije se rreth 500 personalitet, krerë të shteteve, u është dërguar ftesë që të marrin pjesë në funeralin e Mbretëreshës.
