Kryeministri Edi Rama deklaroi në një konferencë online me gazetarët se vrasjet nuk ndodhin çdo 24 orë, siç ishte shprehur një qytetar. Madje që kur Partia Socialiste mori drejtimin e vendit, sipas kryeminstrit, vrasjet janë përgjysmuar.
"Ne nuk kemi humbje jetësh çdo 24 orë. Ne kemi pasur problemet tona me rendin në aspektin e disa vrasjeve vërtet të sakëlldisshme, sidomos gjatë gushtit. Por faktet janë fakte. Ne kemi patur një kohë kur në Shqipëri vriteshin rregullisht mbi 100 persona në vit, jo para 100 vjetësh, por para se ne të merrnim drejtimin e vendit.
Në vitin 2012 janë vrarë 112 persona, ndërkohë që ne kei ulur në përgjysmim numrin e vrasjeve në Shqipëri. Dhe ky është fakt. Pavarësisht me ato çfarë ndodhën gjatë gushtit, ne jemi sërish në numrin më të ulët të vrasjeve në 30 vitet e fundit . Shqipëria është një vend më i sigurt se asnjëherë më parë," tha ai.
