Kreu i Partisë së Lirisë, Ilir Meta deklaron se Edi Rama është koka e organizatës kriminale e aferës së inceneratorëve.
Në një reagim në Facebook, Meta thekson se shqiptarët janë të vjedhur, ndërsa paralajmëron se ora e drejtësisë po afron.
Reagimi:
Edi Rama është koka e organizatës kriminale që ideoi dhe po përfiton dhjetëra miliona euro nga afera e inceneratorëve. Të gjithë shqiptarët janë të vjedhur, por në veçanti banorët e Tiranës janë më të prekur, sepse me firmën arbitrare dhe të paligjshme të Erion Veliaj, ata janë futur në borxh për 30 vitet e ardhshme. Nevoja për ndëshkim është ulëritëse! Ora e Drejtësisë po afron!
Lexo më tej: Opozita protestë te inceneratori Tiranës: Rama shporru!
Partia e Lirisë ka mbajtur pasditen e të martës një protestë në ambientet e jashtme të inceneratorit të Tiranës. Mbështetës të saj dhe drejtues të tjerë të opozitës kanë qenë të pranishëm. Kryetari Ilir Meta ka thënë se SPAK duhet të hetojë këtë aferë korruptive pa humbur më shumë kohë se cka humbur. Në vijim ai tha se institucionet kanë rënë dhe se shteti është i kapur. Meta bëri gjithashtu edhe thirrje “Rama shporru”.
