Kreu i KQZ, Ilirjan Celibashi ka treguar detaje nga takimi që pati sot me ambasadoren e SHBA-ve në Tiranë, Yuri Kim.
Ai tha se Kim përcolli shqetësimin e SHBA-së për financimet ruse.
“Me pak fjalë nga ambasadorja Kim u përcoll shqetësimi i SHBA si partneri dhe aleati ynë strategjik në lidhje me financimet e huaja të politikës shqiptare dhe specifikisht financimeve ruse.
Nën dritën e informacioneve të fundit që ata disponojnë përcollën shqetësimin tek aktorët institucional dhe politik shqiptar, me qëllim që të rritet vëmendja dhe çfarë është në fuqinë e tyre për të bërë më mirë me qëllim që paratë dhe financimet e huaja, jo vetëm ato ruse mos të kenë ndikim në politikën shqiptare”, tha Celibashi.
Lexo edhe:
Meta: E vërteta e përplasjeve me Yuri Kim dhe raportet me Sali Berishën
Në lidhje me ndryshimet ligjore, Celibashi tha se ka nevojë për përmirësim të kuadrit ligjor, më qëllim që KQZ-së ti jepet më shumë mundësi për të kryer hetime më të thella.
“Ajo që mund të them është që ka nevojë për përmirësim të kuadrit ligjor në mënyrë që KQZ dhe institucioneve të tjera ti japin mundësi që të hetojnë më thellë në lidhje me sasinë e parave që marrin partitë, nga i marrin ato para, si i përdorin ato.
Natyra e diskutimit ishte përcjellja e një shqetësimi, Nuk i bënë diskutime të formës së karakterit si mund të veprohet. Ngelet për tu parë në vazhdim. Faktori politik në Shqipëri konfirmoi nevojën për ta qasur këtë shqetësim
Mendoj se në vijim edhe në kuadër të reformës elektorale do të ketë ndryshime”, tha ai.
