Çifti i ri Gigi Hadid dhe Leonardo DiCaprio e kanë zhvendosur romancën e tyre në një fazë më intime, sipas një burimi ekskluziv për Page Six. Por mesa duket ata nuk duan të nxitohen dhe aq shumë duke i dhënë kohë njëri-tjetrit.
Prej muajsh modelja 27 vjeçe dhe aktori 47 vjeçar janë afruar teksa ndodheshin në shoqërinë e miqve të përbashkët. Por tani dëgjojmë se kanë filluar të dalin në takime vetëm si dy.
Një person i brendshëm thotë se ata "kryesisht janë shoqëruar me grupe", duke shtuar, "dhe vetëm disa herë".
Të dy u panë së bashku të shtunën në mbrëmje në një festë ekskluzive të organizuar nga shoku i yllit të "Don't Look Up" Richie Akiva dhe Darren Dzienciol në një papafingo në Soho.
Sipas burimit, dyshja ishin gjithashtu së bashku diku javën e kaluar, por të dy ende "po njihen me njëri-tjetrin". Hadid dhe DiCaprio janë takuar disa herë gjatë viteve, por nuk kishte qenë kurrë romantike deri më tani.
Por thashethemet se çifti kaloi në një fazë tjeter filluan pasi u panë së bashku në hapjen e një klubi të ri. Një tjetër burim tha për Page Six se DiCaprio dhe Hadid u panë sërish bashkë në klubin e Manhattan në gusht.
Lidhja “relativisht e re” vjen jo shumë kohë pasi u zbulua se DiCaprio ishte ndarë nga, Camila Morrone, vetëm disa muaj pasi ajo mbushi 25 vjeç. Burimi thotë se marrëdhënia thjesht kishte "ecur në rrugën e saj".
Ndërkohë, Hadid ka një vajzë 2-vjeçare Khai me ish të dashurin e saj, Zayn Malik. Me ose pa Hadid, ylli i "Wolf of Wall Street" "ka qenë jashtë çdo natë duke festuar", sipas një burim.
Marrë nga Page Six
Përktheu LAPSI.AL
