Ambasada e SHBA-së në Tiranë, ka publikuar sot fytyrën e propagandës së Kremlinit. Sipas tyre ai është Dmitri Peskov, zëdhënësi i Putin që prej vitit 2008.
Ambasada e SHBA-ve gjithashtu shton më tej se Peskov, para luftës në Ukrainë u sigurua të mohonte vazhdimisht pushtimin e fqinjit të saj. Shërbimi ndaj Putin ka qenë mjaft fitimprurës për Peskov, i cili sëbashku me familjen e tij janë multimilionerë.
Lexo edhe:
‘I shqetëson ekzistenca jonë’, Peskov: SHBA, shtet armiqësor ndaj Rusisë
"Fytyrat e Propagandës së Kremlinit, Dmitri Peskov, ka shërbyer si zëdhënës i Vladimir Putinit që prej vitit 2008. Në këtë cilësi, ai ka luajtur një rol kyç në fushatat propagandistike dhe dezinformuese për të mbuluar lidhjet e Kremlinit me helmimin me polonium të ish-oficerit të inteligjencës ruse Alexander Litvinenko në vitin 2006, helmimin me Novichok të ish-oficerit të inteligjencës ushtarake ruse Sergei Skirpal dhe vajzës së tij Yulia në vitin 2018 dhe helmimin me Novichok të liderit të opozitës ruse Alexei Navalny në vitin 2020. Përpara se Putini të niste luftën e tij të paprovokuar dhe brutale kundër Ukrainës, Peskov mohoi vazhdimisht se Rusia kishte ndonjë qëllim për të pushtuar fqinjin e saj.
Ai pohoi në mënyrë të rreme se Rusia nuk përbënte kërcënim për Ukrainën, se Rusia nuk kishte sulmuar kurrë asnjë komb tjetër dhe se Rusia do të ishte “vendi i fundit në Evropë” që mund të mendonte për fillimin e një lufte. Shërbimi ndaj Putinit ka qenë fitimprurës për Peskovin dhe pavarësisht se ka qenë nëpunës civil gjatë gjithë karrierës së tij, ai dhe familja e tij tani janë multimilionerë", shkruan ambasada e SHBA-së në Facebook.
