Ricky Martin po përballet me akuza të reja për ngacmim seksual më pak se një javë pasi ai ngriti një padi prej 20 milionë dollarësh ndaj nipit të tij. Ankesa e re u depozitua të premten në një zonë policie në San Juan, Porto Riko.
Megjithëse emri i personit që bëri akuzat nuk u bë i ditur, Associated Press raportoi se ishte nipi i Martin, Dennis Yadiel Sánchez, ai që bëri padinë.
“Këto pretendime janë jashtëzakonisht fyese dhe krejtësisht të palidhura nga realiteti. Kur ky njeri bëri më parë akuza të ngjashme, çështja e tij ligjore duhej të tërhiqej – sepse ai vetë pranoi nën betim se Ricky Martin nuk e kishte sulmuar kurrë në asnjë mënyrë”– tha avokati i Martin, José Andréu-Fuentes në një deklaratë për Deadline.
Ikona e popit latin ngriti padinë e tij kundër Sánchez më 7 shtator , duke pretenduar se akuzat e nipit të tij për incest dhe abuzim seksual ishin një përpjekje për të “vrarë” reputacionin e këngëtarit, sipas dokumenteve gjyqësore të siguruara nga The Post.
Padia – e cila pretendon se akuzat e Sánchez i kushtuan Martin të paktën 10 milionë dollarë kontrata dhe projekte të anuluara, plus 20 milionë dollarë të tjera dëmtime për reputacionin e tij – erdhi pasi ylli 50-vjeçar i popit u përball me akuzat se ai ishte i përfshirë në mënyrë romantike me Sanchez, dhe dyshohet se ka ngacmuar të riun pasi lidhja e tyre përfundoi.
Në korrik, nipi 21-vjeçar i Martin pretendoi se ai ishte viktimë e abuzimit në familje dhe incestit të paligjshëm nga këngëtari, dhe se iu dha një urdhër ndalimi kundër tij.
Në atë kohë, avokati i Martin mohoi akuzat duke i cilësuar si “të neveritshme” dhe “të pavërteta”. Ai shtoi se akuzuesi ka “probleme të shëndetit mendor”. Përfundimisht, çështja ndaj Martinit u pushua , por duket se pas veprimeve të fundit ligjore të ndërmarra nga Martin, Sanchez nuk është ndalur me kaq.
